Мақтаарал ауданының
білім бөлімі
БАСШЫСЫНЫҢ БЛОГЫ
Отдел образования
Мактааральского района
БЛОГ РУКОВОДИТЕЛЯ
ҚАЗ   РУС

 

Қош келдіңіздер!

 

Бұл жерде сіз Мақтаарал ауданының білім бөлімінің басшысы

Серикбаев Муратбекке  сұрақ қоя аласыз

 

Аты-жөні тегі

Лауазымы

Қабылдау күні

1

Серикбаев Муратбек Тулапович

Мақтаарал ауданының білім бөлімінің басшысы

Бейсенбі

16.00-18.00

 

         Сұрақ №35-40

      Құрметті арыз иесі! Сіз жазған өтініш бойынша заң шеңберінде өтінішке қойылатын талаптарды сақтай отырып, аудандық білім бөліміне жазбаша түрде өтініш жазуға ұсыныс білдіремін. Иесi бүркемеленген өтiнiштер (анонимді) назарға алынады, бірақ қарауға, зерделеп, тексеруге жатпайтынын ескертемін.

  • Сұрақтар мен жауаптар
  • Сұрақ қою
14-01-2020 14-27-48   Басқадан

Аты-жөні: Аноним

Сұрақ № 55
Сәлеметсізбе сізге сұрағым болашақ педагог дефектологпын өзім оқып жатқан қалада практика өтуге ыңғайсыз болған соң Жетысай қаласына өтемін деп алып едім Бірақ Жетысай қаласындағы мектеп интернат практикаға алмай қойды Не себеп десем бізге ондай артық мәселелер керек емес екендігін айтып шығарып салды. Қазір студент бола тұра осылай практика өтетін мекеме болмаса болашақта жұмыссым болатынына кім кепіл.
Жауап

Сіз Мақтаарал ауданы білім бөлімінің басшысы М.Серикбаевтың жеке блогына сұрақ қалдырғансыз, осы сұрақ бойынша төмендегідей хабарлайды.

Жетісай қаласы қазіргі уақытта Жетісай ауданының орталығы, аталған қала аумағында орналасқан білім беру мекемелеріндегі мәселені қарау Жетісай ауданы білім бөлімінің құзыретінде.

19-01-2017 21-46-43   Мектеп мұғалімінен

Аты-жөні: Аноним

Сұрақ № 28
Ассалаумаалейкум Лесхан Мырзаханович.
Менiн сурагым мектептердегi iс жургiзушiлер атынан олар менi колдайды деп ойлаймын.
Бiздiн алатын жалакымызды котеруге не болмаса ауылдык устем акыны косу маселесин котерсенiз.
Сiзге улкен умiтпен, сенiммен караймыз жане жауап кутемiз.
Бiздiн алатын жалакымыз 30000 тенгедей болады, асiресе ер азаматтарга онай емес...
Кош сау болыныз Сiзге жане отбасынызга Алланын шапагатын, жумысынызга саттiлiк тiлеймiз.
Жауап

     Мектептің  іс жүргізушілерінің жалақысы Қазақстан Республикасы Үкіметінің  31 желтоқсан 2015 жылғы №1193 «Мемлекет есебінен ұсталатын мемлекеттік және казыналық кәсіпорындардағы азаматтық қызметшілерге еңбекақы төлеу туралы»   қаулысының негізінде техникалық орындаушыларға  Д блогы бойынша төленеді, ал ауылдық жердегі үстеме ақы төленетін қызметкерлердің тізімінде жоқ болған себепті үстеме ақы төленбейді.

29-09-2016 22-41-42   Басқадан

Аты-жөні: Аноним

Сұрақ № 20
Құрметті Лесхан Мырзаханұлы! Мен 2012-2016 жылдар аралығында ОҚМПИ-да 5В011100 "Информатика" мамандығы бойынша грант негізінде білім алып, оқуды қызыл дипломмен бітіріп щықтым. Ауыл тұрғындарының айтуынша мектепте білімді ұстаздар жұыс жасасын деген екенсіз. Сол себепті өз ауылымдағы мектепке кіргім келген, бірақ жұмыс жоқ болып шықты. Көрші ауылдағы екі мектепке де барып директорларымен жолықтым ол жақта да жұмыс жоқ деп шығарып салды. Сізге өтінішім егер бос жұмыс орындарға директорлар маман іздеп жатырса хабар берсеңіз. Мүмкін білетін шығарсыз мектепке кіру, қазір, директордың сұраған ақшасына байланысты. Естуімше мектепке ақша беріп кіргенге қарсы екенсіз, мен де қарсымын. Балам деген еле болмаса, елім деген бала қайдан болсын,- дегендей сізден қолдау күтемін. Деніңіз сау болсын, ісіңізге сәттілік!
Жауап

         Қазақстан Республикасының «Білім туралы» Заңына сәйкес білім беру ұйымдары  кадрларды іріктеуде және оларды орналастыруда дербес болады.

         2016 жылғы 28 тамызында білім бөлімінің ұйымдастырыумен Жетісай қаласындағы «Мақтарал мәдениет үйінде» жалпы және негізгі орта білім беру мекемелеріне, мектепке дейінгі білім беру ұйымдарына арналған «Бос жұмыс орны-2016» педагогикалық жәрмеңкесі өтті.

         «Мақтарал» мектеп гимназиясынан қазақ орыс сыныптарына, А.Пушкин атындағы жалпы орта мектебінен орыс сыныбына информатика пәнінен бос жұмыс орындарына сұраныс түскен болатын. Қазіргі таңда жоғарыда аты аталған мектептерге мамандар жұмысқа қабылданған.

          Бүгінгі таңда мектептерден информатика пәнінен педагог кадрларға қажеттілік жөнінде сұраныс түскен жоқ.

          Сіз білім бөлімінің кадр қызметіне тиісті біліміңіздің құжаттарының көшірмесін, түйіндемеңізді тапсырып кадрлар резервіне тіркелуіңізге болады.

Жұмысқа орналасу барысында ақша немесе заттай сыйлық беру заң бұзушылық болып табылады. 

18-09-2016 10-11-49   Мектеп мұғалімінен

Аты-жөні: Аноним

Сұрақ № 18
Саламатсызба?Мектепке жұмысқа орналасуды ақысыз,біліммен орналастыруды жолға қойып жатыр екенсіз!Жұмысыңызға сəттілік!Осыдан 1 жыл бұрын келгеніңізде менде 500 мың кредит алмай,жұмысқа тегін орналасқан болар ма едім бəлкім...Сол қарызымды 3 жыл өтеуім керек енді.Осындай игі істі атқаруда Аллам сізге ұзақ ғұмыр берсін!Жұмысыңызға сəттілік,деніңізге саулық тілеймін!
Жауап

      Хабарласқаныңыз үшін рахмет.

      Ниетіңізге рахмет. Сізге жұмыс барысында шығармашылық табыс отбасыңызға бақыт береке. Ауданымыздың білім беру саласының өсіп өркендеуіне еселі үлес қосады деп сенім артамын.

 

10-09-2016 20-00-35   Мектеп мұғалімінен

Аты-жөні: Аноним

Сұрақ № 17
Құрметті Қойлыбаев Лесхан Мырзаханұлы Мырза! Сізден сұрарым "№4 Абай атындағы жалпы орта мектебі, мектеп-гимназиясының" директоры оқуға кетуіне байланысты, орнына неге бірінші оқу ісі жөніндегі орынбасарын қоймадыңыз? Негізі менің пайымдауымша орнына бірінші оқу ісі жөніндегі орынбасары болу керек, ал сіз болсаңыз тәрбие жөніндегі орынбасары Н. Төленовты қойыпсыз. Ол кісі директор болып істеуге лайықты емес. Өйткені, ол кісінің баласы тапсырыс бойынша адам өлтірген. Ең ауыр жазамен 17 жылға кеткен. Сіз сондай адамды мектеп директорының уақытша міндетін атқарушы етіп қойып отырсыз. Білім мекемесіне, тәрбие орнына, бұл адам лайықты емес. Менің бұл жазып отырғаным біреуді көреалмағандық емес, мектепке лайықты адамды тағайындауыңызды өтінемін.
Жауап

        №4 Абай атындағы мектеп гимназиясы жалпы орта мектебінің директоры Донбаева Гульнара Орынбаевна 2016 жылдың 12 қыркүйегі мен     2017 жылдың 12 мамыры күндері аралығында Алматы қаласына «Назарбаев Зияткерлік мектептері» ДББҰ Педагогикалық Шеберлік орталығына жалпы білім беру ұйымдары басшыларының біліктілігін арттыру бағдарламасы бойынша мектеп директорларына арналған курсқа оқуға кеткен. Мектеп директоры оқуға кетуіне байланысты білім бөліміні №4 Абай атындағы мектеп гимназиясы жалпы орта мектебінің директоры уақытша міндетін атқаруды директордың тәрбие ісі жөніндегі орынбасары Н.Төленовты ұсынған.

       №4 Абай атындағы мектеп гимназиясы жалпы орта мектебінің директоры уақытша міндетін атқаруды директордың тәрбие ісі жөніндегі орынбасары Н.Төленовке жүктеу мектеп директорының ұсыныс негізінде рәсімделген.

        Қазақстан Республикасының 2011 жылғы 26 желтоқсандағы №516-IV «Неке және отбасы туралы» Кодексінің  68- бабының 2) тармақшасына сәйкес ата-ананың құқықтары балалар 18 жасқа (кәмелетке) толғанда сондай ақ кәмелетке толмаған балалары некеге отырған (ерлі-зайыпты болған) кезде тоқтатылады.  

       Қазақстан Республикасы Конституциясының 14 бабында Заң мен сот алдында жұрттың бәрі тең, тегіне, әлеуметтік, лауазымдық және мүліктік жағдайына, жынысына, нәсіліне, ұлтына, тіліне, дінге көзқарасына, нанымына, тұрғылықты жеріне байланысты немесе кез келген өзге жағдаяттар бойынша ешкімді ешқандай кемсітуге болмайды.

08-09-2016 19-08-16   Мектеп мұғалімінен

Аты-жөні: Аноним

Сұрақ № 16
Саламатсыз ба ! Білім бөлімінің басшысы болып жұмыс істеген уақытыңызда көптеген кемшіліктерді түзетуге кірістіңіз, соның бірі жемқорлықты жою, ендігі назар аударатын жағдай мектептердегі жүктемелерді арттыру, себебі жалақысы аз мұғалім сапалы қызмет құлықсыздық танытады. Сізге айтар және бір ұсынысым сабырлы болыңыз және сабырлы болыңыз. қиын да қызық қызметіңізге сәттілік тілеймін
Жауап

Амансыз ба!  Ықыласыңызға көп рахмет! Аудандық білім бөлімі бекітілген нормаға сәйкес мектептердегі сағат жүктемелерін сыныпқа сай белгілеп береді. Одан әрі мектеп ішінде мұғалімнің сағат жүктемелерін бөліп беру мектеп әкімшілігінің құзіретінде.

01-07-2016 02-40-38   Мектеп мұғалімінен

Аты-жөні: Сафуан Утебаев

Сұрақ № 8
Құрметті Лесхан Мырзаханұлы! Жаңа қызмет орныңыз құтты болсын! Жеке блок ашып, сізбен тікелей хабарласуға мүмкіндік алу көпшілікті қуантар жайт деп түсінемін. Менің Сізге қояр сұрағым: Аудандық білім бөлімінде неше заңгер жұмыс істейді және олардың міндеттері туралы мәлімет берсеңіз. Осы заңгерлердің мектеп мұғалімдеріне Заң туралы кеңестер беру мүмкіндіктері бар ма?
Жауап

Саламатсыз ба Сафуан Утебаев! Рахмет! Аудандық білім бөлімінде 4 заңгер қызмет етуде. 2 заңгер есеп орталығында мемлекеттік сатып алулар бойынша жұмыстарды ұйымдастырады, 2 заңгер білім бөліміндегі заңнамаға қатысты жұмыстарды үйлестіреді.  Заңгерлердің  мектеп мұғалімдеріне заңнамалық кеңестер беруге мүмкіншіліктері бар.

01-07-2016 15-14-16   Мектеп мұғалімінен

Аты-жөні:

Сұрақ № 9
Салеметсіз!!! қазіргі таңда мектепке кіру үшін қандай құжаттар қажет? Жане қанша ақша толеп кіреміз?
Жауап

      Амансыз ба!  ҚР Еңбек кодексінің 32-бабына сәйкес еңбек шартын жасасу үшін қажетті құжаттар тізімі:

      1) жеке куәлік немесе паспорт (он алты жасқа толмағандар үшін туу туралы куәлік) қажет. Оралмандар жергілікті атқарушы органдар берген оралман куәлігін ұсынады;

       2) тұруға ыхтиярхат немесе азаматтығы жоқ адамның куәлігі (Қазақстан аумағы нда тұрақты тұратын шетелдіктер мен азаматтар үшін) не босқын куәлігі;

       3) тиісті білімді, машық пен дағдыны талап ететні жұмысқа еңбек шартын жасасу кезінде білімі, біліктіліг туралы, арнайы немесе кәсіптік даярлығының болуы туралы құжат;

       4) еңбек қызметін растайтын құжат (еңбек өтілі бар адамдар үшін);

       5) алдын ала медициналық куәландырудан өткені туралы құжат (осы Кодекске және Қазақстан республикасының өзге де нормативтік құқықтық актілеріне сәйкес осындай куәландырудан өтуге міндетті адамдар үшін) қажет.

      «Білім туралы» ҚР  Заңында  Білім мекемеге кадрларды қабылдауда, іріктеуде мекеме басшылары дербес болады деп көрсетілген. Қызметке тұру үшін өтемақы алынбайды. 

Барлығы: 8
Аты жөніңіз: *

(Егер сіз қояр сауалыңызға аты-жөніңізді көрсетпей жауап беруді жөн санаған жағдайда, аты-жөніңіз сайтта жарық көрмейтінін ескертеміз. Ол үшін "аты-жөнімді жарияламаңыз"-деген ұяшыққа белгі қоюды ұмытпаңыз.)

Е-майл:

Бұл өріс құпия ретінде сақталады және жарияланбайды.

Телефон:

Бұл өріс құпия ретінде сақталады және жарияланбайды.

Сұрақ тақырыбы:


Сұрақ: *


Суреттегі кодты жазыңыз: *


© 2016 Мақтарал ауданының білім бөлімі